ภนฺเต นาคเสน ภาสิตํ เจตํ ภควตา อกฺโกธโน วิคตขีโล หมสฺมีติ ฯ
ปุน จ เถเร สารีปุตฺตโมคฺคลฺลาเน สปริเส ปณาเมสิ ฯ กินฺนุ โข ภนฺเต นาคเสน
กุปฺปิโต ปริสํ ปราเมสิ อุทาหุ ตุฏฺโฐ ปริสํ ปราเมสิ เอตํ ตาว ชานาหิ อิมํ
ชานามาติ ฯ ยทิ ภนฺเต นาคเสน กุปฺปิโต ปริสํ ปณาเมสิ เตนหิ ตถาคตสฺส
โกโธ อปฺปหีโน ฯ ยทิ ตุฏฺโฐ ปริสํ ปณาเมสิ เตนหิ อวตฺถุสฺมึ อชานนฺเตน กตํ
โหติ ฯ อยมฺปิ อุภโต โกฏิโก ปญฺโห ตยา วิสชฺชิตพฺโพติ ฯ
ภาสิตํ เปตํ มหาราช ภควตา อกฺโกธโน วิคตขีโล หมสฺมีติ ฯ ปณามิตา
จ สารีปุตฺตโมคฺคลฺลานา ปมุขา สปริสา ตญฺจ ปน น โกเปน ฯ ยถา มหาราช
โกจิเทว ปุริโส มหาปฐวิยา มูเล วา ปาสาเณ วา สกฺขราย วา ขาณุเก วา วิสเม
วา กลเล วา ขลิตฺวา ปตติ อปิ นุ โข มหาราช มหาปฐวี กุปฺปิตา ปาเตตีติ ฯ
นตฺถิ ภนฺเต มหาปฐวิยา โกโป วา ปสาโท วา อนุนยปฏิฆวิปฺปมุตฺตา มหาปฐวี สยเมว
โส อสญฺญาย ขลิตฺวา ปตตีติ ฯ เอวเมว โข มหาราช นตฺถึ ตถาคตสฺสโกโป วา
ปสาโท วา อนุนยปฏิฆวิปฺปมุตฺโต ตถาคโต อรหํ สมฺมาสมฺพุทฺโธ อถ โข สยํ กเตน
เต อคฺคสาวกา อตฺตโน อปราเธน ปณามิตา ฯ ยถา วา ปน มหาราช สมุทฺโท
น มเตน กุณเปน สํวสติ ยํกิญฺจ สํขเสวาลปณกกุณปํ มหาสมุทฺเท ตํ ขิปฺปเมว
นิจฺจมฺภติ ฯ อปิ นุ โข มหาราช มหาสมุทฺโท กุปฺปโต ตํ ตํ นิจฺจมภตีติ ฯ นตฺถิ
ภนฺเต มหาสมุทฺทสฺส โกโป วา ปสาโท วา อนุนยปฏิฆวิปฺปมุตฺโต มหาสมุทฺโทติ ฯ
เอวเมว โข มหาราช นตฺถิ ตถาคตสฺส โกโป วา ปสาโท วา อนุนยปฏิฆวิปฺปมุตฺโต
ตถาคโต อรหํ สมฺมาสมฺพุทฺโธ อถ โข สยํ กเตเนว เต อตฺตโน อปราเธน
ปณามิตา ฯ ยถา มหาราช มหาปฐวิยา ขลิโต ปตติ เอวํ ชินสาสนวเร ขลิโต
ปณามิยติ ฯ ยถา มหาราช สมุทฺโท มตกุณปํ นิจฺจมฺภติ เอวํ ชินสาสนวเร ขลิโต
ปณามิยติ ฯ ยํ ปน เต ตถาคโต ปณาเมสิ เตสํ อตฺถกาโม หิตกาโม สุขกาโม
วิสุทฺธิกาโม เ อวํ อิเม ชาติชราพฺยาธิมรเณหิ ปริมุจฺจิสฺสนฺตีติ ปณาเมสีติ ฯ สาธุ ภนฺเต
นาคเสน เอวเมตํ ตถา สมฺปฏิจฺฉามีติ ฯ

ภิกฺขุปณามปญฺโห ตติโย ฯ

ภนฺเต นาคเสน ตุมฺเห ภณถ พุทฺโธ สพฺพญฺญูติ ฯ ปุน จ ตถาคเตน
สารีปุตฺตโมคฺคลฺลานปมุเข ภิกฺขุสงฺเฆ ปณามิเต ปาตุเปยฺยกา สกฺยา พฺรหฺมา จ สหมฺปติ